Martxoaren
10ean Maite Oyarzun gure intitutura hurbildu zen. Oso gustura egon
ginen berarekin hizketan; izan ere, hurbila, interesgarria eta hagitz
atsegina izan zen.
Espero dugu zuek ere elkarrizketa honetaz disfrutatzea!
AURKEZPENA
Maite Oyarzun Baraibar 1960.
urtean jaio zen Alkotzen. “ Misioneras de Nuestra Señora de África”
kongregazioan sarturik dago 35 urte zituenetik. Nahiz eta 15 urtez
euskarazko irakasle aritu izana, 1995ean Afrikara abiatu zen bakea eta
adizkidetzearen aldeko borroka egitera. Gaur egun Espainian dago
gazteekin lan egiten, baina beti Afrikaren alde.
Maite Oyartzun Baraibar (elkarrizketa moldatua)
1. galdera:
Alkotzen bizita, nola bururatu zitzaizun misiolari munduan sartzea? Zenbat urterekin? Konta dezakezu nola izan zen prozesua?
Prozesu
luze bat izan zen. Esan dezaket maitasun kontu bat izan zela. Zuen
adina nuenean ez nuen pentsatzen misiolaria izatea. Irakaslea nintzenean
misiolari bat gure eskolara etorri zen Afrikari buruz hitz egitera eta
esandako gauzek asko ukitu ninduten. Horren ondoren berarekin hitz
egiten jarraitu nuen eta urte bat pasata misiolaria egitea erabaki nuen
eta nire lehen bidaia egin ondoren oso ongi sentitu nintzen, gainera
jende asko ezagutu nuen.
2. galdera:
Badakigu lehenengo bidaia Burkina Fasso-ra egin zenuela, zergatik?
Zer egoerak bizi zenituen? Egoera larriak gehien bat izan ziren horiek? Nola sentitu zinen? Zenbat denbora iraun zuen bidaiak?
Egia esan, nik ez nuen aukeratu Burkina Faso.
Nuestra
señora de África kongregazioak bidali ninduen hara, besteekin
bizitzera. Leku hori egokia zela niretzat konturatu nintzen eta hiru
urtez bertan egon nintzen. Gauza asko ikasi nituen, horien artean
kirundi hizkuntza ikasi nuen. Egoera larriak ere bizi izan nituen, batez
ere, gerrak suertatu zituenak. Hala ere, egoerari aurre egin eta
hainbat etxe egin genituen amatxoekin batera, gerran senarrak hilak
zituzten emakumeekin, haiek eta haurrak babesteko.
3. galdera:
Geroago, Mexikora abiatu zinen, zer ezberdintasun aurkitu zenituen Afrikaren eta Mexikoren artean? Zer egin zenuen Mexikon?
Oso
desberdintasun handia izan zen. Alde batetik, Mexikok denetarik dauka,
adibidez: janari asko, arropak… hedapen handia zegoen. Bestalde. Mexikon
% 98 kristauak dira eta horrek “errazten” zuen lana. Mexikon ez zekiten
nola zegoen Afrika eta orduan erakusketak eta abar egin genituen.
4. galdera:
Zer onura “afektiboa” lortzen duzu beste pertsona batzuei laguntzen diezunean?
Nik
beti adibide bat jartzen dut: bihotzarena, bihotzak jaso eta ematen du.
Guk misiolariok ematen dugu eta asko jasotzen dugu. Burundin egon
nintzenean zuen adinako jendea etortzen zen hizkuntza ikastera.
Bederatzi hilabete pasa ondoren festa bat egin genuen eta oihal bat
oparitu eta ume bat bizkarrean jarri zidaten. Afrikan Maite Ximirimana
deitzen naiz eta esan nahi du haien familiakoa naizela. Afrikan oso
pozik sentitzen naiz.
5. galdera:
Zuen
blog-ean irakurri dugu pasa den maiatzean esklabotzaren kontrako
kanpaina bat sortu zenutela, zer ondorioztatu zenuten? Ondorio horiek
kontuan hartuta, zer proiektu dituzue etorkizunerako?
Bada,
kanpaina hori, batez ere, gure fundatzaileen omenez egin genuen. Berak,
duela 120 urte mundu osoan zehar (Frantzian, Bruselan…) kanpaina bat
egin zuen esklabotza zela eta, egoera horrek lotsatuta, Afrikan
gertatzen zena aldarrikatzeko. Baita gaur egun dauden esklabotza motei
buruz hitz egiteko ere.
6. galdera:
Gazte guztiek bezala, guk ere gizartea, gure txikian, aldatu eta hobetu nahi dugu, zu, zer gomendatuko zeniguke hori lortzeko?
Zer egin dezakegu?
Lehendabiziko
gauza, hemen, eskolan, zuen artean ongi moldatzea eta elkar laguntzea
da. Lagun onak izan eta denak errespetatu.
Eta bigarrenean, aita, ama, eta irakasleak errespetatu.
7. galdera:
Gaur egun gazteekin lan egiten duzu, ezta? Garrantzitsua al da gazteekin lan egitea? Zergatik gazteekin? Zertan ari zarete?
Niretzat
oso garrantzitsua da gazteekin lan egitea. 20 urte nituenean jendeak
asko lagundu ninduelako. Guk pertsonok energia handia dugu eta gazteek
energia asko dute. Energia hori ez badugu ongi bideratzen gaizki
erabiltzen dugu. Nik zorte handia izan nuen beste pertsona batzuek
lagundu nindutelako energia ondo bideratzen besteak laguntzeko eta ona
izateko. Orain Madrilen gaude “boluntariaroak” egiten Espainiako jendea
beste tokietara joateko. Hain zuzen ere, uda honetan Tetuanera joateko.
Badago etxe bat “Esperanza de los Niños “ deitzen dena eta gu hara
joaten gara ekintzak egitera eta kaleko jendeari eskaintzen diogu
etortzera gauzak egiten ikastera.
8.galdera:
Orain, nora jo beharko lukete, Afrikara laguntzera joan nahi dutenek?
Begira,
badugu facebook-a eta lehenengo hara joan behar dute. Guk kanpamenduak
prestatzen ditugu, denbora txikirako, eta gustukoa badute, etor
daitezen. Ondoren lan hori maite badute, leku hori beraientzat dela
frogatzen badute, (...) gure kongregazioak pozik hartuko ditu .
Maite,
eskerrik asko etortzeagatik. Asko ikasi dugu eta gainera oso gustura
egon gara zurekin hitz egiten, baita lana prestatzen ere. Bueno, agur
eta espero dugu beste batean topatzea. Laster arte, Maite.
Informazio gehiago izateko: http://misionerasdeafrica.blogspot.com.es/
Maitek hainbat objektu ekarri zizkigun Afrikatik. |
Kaixo Aitor, Ruben eta Maria. Gaur ikusi dut zuen blog "Larraintzarko hirukotea", asko gustatu zait !!!!! Zorionak zure lan ederrarengatik. Oso gustora egon nintzen zuekin eta niretzat oso garrantzitsua izan zen nire eskola bisitatzea eta zuekin hitz egitea.Eskuminak zuen andereño Yolandari. Espero dut, haunditzen zaretenean, etorriko zaretela Afrikara, ni bisitatzera eta egiten ditugun proiektuak ezagutzera. Besarkada haundi bat Maite Oiartzun-aren partez et laister arte !!!!
ResponderEliminar